FC27 UPDATE V1.1.0 (05)

أسلوب اللعب (Gameplay)

• مشكلة البداية: اتحلت تهنيجة كانت بتوقف اللعيبة في أول الجيم أثناء مرحلة التدريب (Tutorial).

• [للكمبيوتر بس]: اتصلحت مشكلة الماوس اللي كان بيهنج ومبيستجيبش مع حارس المرمى لو خرج برة منطقة الجزاء.

ألتميت تيم (Ultimate Team)

تغييرات وميزات جديدة:

• فلاتر تحديات بناء التشكيلات (SBCs) هتحفظ اختياراتك تلقائي لو بتعمل كذا تحدي ورا بعض.

• أنيميشن فتح الباكات بقى أسرع ومدته أقصر.

أبرز المشاكل اللي اتحلت:

• تحديات الـ SBCs: اللعيبة اللي في المخزن مكانتش بتختفي صح بعد الاستخدام، وبطء أو إيرور لما تيجي تدخل للنادي بعد التحدي.

• التطويرات (Evolutions): اتصلحت مشكلة الأرقام اللي بتنور أخضر بالغلط، وعدم إضاءة طاقات حراس المرمى، ورجوع خيارات القوائم زي (Multi-Swap).

• ألوان الشباك والملاعب: تم تصليح مشاكل عدم ظهور ألوان الشباك المخصصة ومعاينتها، ومشكلة ظهور ألوان وتجهيزات ملعب الخصم بدال ملعبك.

• المعرض (Gallery): اتصلحت كذا تهنيجة كانت بتجبرك تقفل اللعبة، وتصليح تقييمات الـ S-rank اللي بتظهر غلط ومشاكل حركة القوائم وإشعارات الجوايز.

• مشاكل تانية: إمكانية تعليق اللعيبة في الشباك بماتشات 2v2، أخطاء في ترتيب المهمات (Objectives)، مشاكل بزرار البحث في سوق الانتقالات، وتصليح كليكات الماوس على البي سي.

ذا جراوندز (The Grounds)

• الأونلاين والدخول: اتصلحت مشاكل التهنيج في الطوابير وماتشات الـ Rush، وتفادي مشاكل الشاشة اللانهائية لما تلغي الكروس بلاي، وإلغاء الماتش فجأة بسبب رسايل البارتي.

• أخطاء الماتشات والجيم بلاي: تصليح مشكلة الماتشات اللي بتبدأ بـ 2 حراس مرمى، وتأخير حارس المرمى في الباص بـ 1v1، وأهداف عكسية غريبة في 3v3، والأهداف المباشرة في الفاولات بكرة الشارع.

• ألعاب الأركيد: اتصلحت مشاكل دخول الكورة أو اللعيبة جوة الحيطان في Bucket Ball، وعدم احتساب النقط في Bocce Ball.

• القوائم: تصليح مشاكل قفل الماوس ع البي سي، تقييمات الماتشات اللي بتطلع صفر أو فاضية، وأخطاء تبديل الخصائص والـ PlayStyles، وصوت الماتشات اللي بيدخل في بعضه.

نمط المهنة (Career Mode)

تغييرات وإضافات:

• مهمات ومنافسات جديدة لمهنة اللاعب (تعتمد على الاستمرارية وعدم الغلط، أو إنجاز التحدي في وقت محدد).

• شكل جديد وأنضف لقائمة إدارة الفريق (Team Management).

• تقدر دلوقتي تقفل المؤتمرات الصحفية والأحداث المفاجئة أو تتحكم في عدد مرات ظهورها من جوة الـ Save في أي وقت.

أبرز المشاكل اللي اتحلت:

• العقود والانتقالات: اتصلحت مشاكل اللعيبة العواجيز اللي بيطلبوا دور أساسي بالعافية، والمشاكل اللي بتمنع تجديد العقود مع اللعيبة، والراتب اللي بيظهر 0.0k بعد تفويض المساعد، ومشاكل دفع الشروط الجزائية لفرق الغريم.

• الأكاديمية والمدربين: تصليح اختفاء الـ PlayStyles لشباب الأكاديمية بعد ما الكشاف يخلص مهمته، وتقارير الكشافة اللي بتضيع لو مشيت كشاف.

• طاقات ولعب: اتصلحت مشاكل انخفاض مستوى اللاعب رغم تقييمه العالي في الماتشات، ومشاكل إعادة توزيع نقاط المهارة في مهنة اللاعب، وتعديل مراكز اللعيبة اللي كانت بتتلخبط بعد حفظ التكتيك.

الصوتيات، الجرافيك، وعام (General, Audio & Visual)

أهم الإضافات:

• إضافة زرار “استلام الكل” (Claim All) للمهمات عشان تاخد الجوايز مرة واحدة.

• تحديثات بالجملة لأطقم الفرق، الأوجه، الملاعب، تفاصيل الجماهير والتيفو، الإضاءة، وشكل القوائم.

إصلاحات عامة:

• تحسين عام في استقرار اللعبة وتقليل الكراشات.

• تصليح تشابه ألوان طقم الحكم مع الفرق.

• إمكانية عمل لاعبين سنهم أقل من 21 سنة.

• [للكمبيوتر]: تصليح مشاكل الفريمات، والريزوليوشن في وضعية Borderless، وتوافق دراعات التحكم (Controllers)، ومشاكل الشاشات العريضة جداً (Ultrawide).

• تصليح مشاكل حفظ وتعديل وجوه وتفاصيل اللعيبة، ولمعان الجزم الزيادة عن اللزوم، ومشاكل اختفاء الصوت في بعض المشاهد.